Мемлекеттік тіліміздің алдында үлкен реформа тұр. Ол- латын тіліне көшу. Елбасы латын қарпіне көшу күрделі үдеріс екенін, сондай-ақ оның мақсаты тілімізді дамыту және оны әлемдік ақпараттық кеңістікке шығару үшін жағдай жасау болып табылатынын атап өтті. Ғалымдар мен қоғам қайраткерлері  қазақ тілінің латын қарпіне негізделген бірыңғай стандартын қабылдады. Мемлекет басшысы  2025 жылға дейін толық  латын әліпбиіне көшуге кірісуіміз керектігін және болашақта барлық саладағы іс-қағаздар мен оқулықтар да осы қаріппен жазылуы тиіс екенін қадап айтты. Мемлекет басшысы жаңа әліпбиді білім беру жүйесіне енгізу үшін мұғалімдер мен әдістемелік базаны дайындау қажеттігін айтып, Үкіметке оны кезең-кезеңімен енгізу жөніндегі жоспар әзірлеуді тапсырды.

    Латын әрпіне негізделген қазақ тілінде жазу түсінікті және ыңғайлы деп санаймыз. Латын әліпбиіне кіру- әлемдік ғылыми, тілдік кеңістікке кіру үшін қажет. Бұл басқасын айтпағанда, түркі халықтарына ортақ әріп. Сонымен қатар, әріп қолданысы қазақ тілінің фонетикасына үйлесімдірек болып табылады. Біз, әлемдік ғылым мен технологияны, экономиканы игеру үшін ағылшын тілін үйреніп келеміз. Латын әліппесі сол тілді игеруге негіз, тиімді алғышарт болары сөзсіз. Халықаралық терминологияны алыңыз, немесе медицина мен басқа ғылымдар тілі көбінесе латынша жазылады. Көптеген көршілес елдер латын әрпіне көшіп алды, олардың көшу кезеңдері жақсы өтті. Ендеше бізде солай болады деген сөз.

      Сондықтан,латын әрпіне көшу-маңызды әрі қажетті үрдіс деп санаймыз.